គេហទំព័រ ប៊ី អេស ធី ហតញូស៍ (BST-HOTNEWS) យើងខ្ញុំ សូមស្វាគម បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោរពជូនពរដល់បងប្អូន អោយជួបប្រទះតែសេចក្តី សុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ
រថយន្ត Lexus បិទឡូហ្គោ «សារព័ត៌មានដើម្បីខ្មែរ» សង្ស័យបើកបរក្នុងស្ថានភាពស្រវឹង ទៅបុកឡើងខឿនពុះចែកផ្លូវ បន្តទៅបុកបង្គោលផ្លាកប៉ាណូមួយដើមបាក់ទ្រេតរលីងដល់គល់...
រក្សាសិទ្ធិគ្រប់យ៉ាងដោយគេហទំព័រ BST "www.bst-hotnews.com" ដំណើការតាមប្រកាសលេខ ០២២ ប្រក.ម.ព ចុះថ្ងៃទី៣០ ខែវិច្ឆិកា ឆ្នាំ២០២៣មានអាសយដ្ឋានផ្ទះលេខ ១០ ផ្លូវបេតុង ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។​

រថយន្ត Lexus បិទឡូហ្គោ «សារព័ត៌មានដើម្បីខ្មែរ» សង្ស័យបើកបរក្នុងស្ថានភាពស្រវឹង ទៅបុកឡើងខឿនពុះចែកផ្លូវ បន្តទៅបុកបង្គោលផ្លាកប៉ាណូមួយដើមបាក់ទ្រេតរលីងដល់គល់...


ភ្នំពេញ៖ រថយន្តម៉ាក LEXUS RX300 មួយគ្រឿង មានបិទឡូហ្គោ «សារព័ត៌មានដើម្បីខ្មែរ» សង្ស័យតៃកុងបើកបរក្នុងស្ថានភាពស្រវឹង បានជ្រុលចង្កូតទៅបុកឡើងខឿនពុះចែកផ្លូវ រួចបន្តទៅបុកបង្គោលផ្លាកប៉ាណូផ្សព្វផ្សាយពាណិជ្ជកម្មមួយដើម បណ្តាលឱ្យបាក់ទ្រេតរលេីងដល់គល់ ។




ហេតុការណ៍នេះ បានកើតឡើងកាលពីវេលាម៉ោងជាង ១១យប់ ថ្ងៃទី ១៥ ខែ ធ្នូ ឆ្នាំ ២០២២ ម្សិលមិញនេះ ស្ថិតនៅចំណុចស្តុបវត្តច្បារអំពៅ លើផ្លូវជាតិលេខ១ ក្នុងសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។

បើតាមសាក្សីឃើញហេតុការណ៍ បានប្រាប់អ្នកយកព័ត៌មាន GNtimes យើងឱ្យដឹងថា នៅមុនពេលកើតហេតុ គេបានឃើញបុរសម្នាក់ បើកបររថយន្តមួយគ្រឿង ម៉ាក LEXUS RX330 ពណ៌ស ពាក់ផ្លាកលេខ ភ្នំពេញ 2AT-3317 (មានបិទរូប អង្គភាពសារព័ត៌មានដើម្បីខ្មែរ ជាប់ទ្វារទាំងសងខាង) ធ្វើដំណើរតាមបណ្តោយផ្លូវជាតិលេខ១ ទិសដៅពីកើតទៅលិច លុះពេលធ្វើដំណើរមកដល់ចំណុចកើតហេតុ ស្តុបវត្តច្បារអំពៅ ស្រាប់តែទៅបុកឡើងខឿនពុះចែកផ្លូវ ហើយបន្តបុកបង្គោលផ្លាកប៉ាណូផ្សព្វផ្សាយពាណិជ្ជកម្មមួយដើម បណ្តាលឱ្យបាក់ទ្រេតរលេីងដល់គល់ ចំណែករថយន្តរងការខូចខាតផ្នែកខាងមុខយ៉ាងដំណំ តែមិនបណ្ដាលឱ្យអ្នកបើកបររងរបួសនោះទេ ។


ភ្លាមៗគេឃើញលោកនាយប៉ុស្តិ៍ច្បារអំពៅទី២ ចុះទៅកន្លែងកើតហេតុ ឃាត់អ្នកបើកបររថយន្តដែលទំនងជាស្រវឹងឈរទប់ខ្លួនមិនចង់រួចនោះ ប្រគល់ឱ្យផ្នែកចរាចរណ៍នៃអធិការដ្ឋាននគរបាលខណ្ឌច្បារអំពៅ ធ្វើការសាកសួរតាមជំនាញ ។ រីឯរថយន្តបង្ក សមត្ថកិច្ចបានយករថយន្តទៅរក្សាទុក នៅអធិការរដ្ឋាននគរបាលខណ្ឌច្បារអំពៅ ដើម្បីរង់ចាំធ្វើការដោះស្រាយគ្នានៅពេលក្រោយ ៕

Previous Post Next Post