គេហទំព័រ ប៊ី អេស ធី ហតញូស៍ (BST-HOTNEWS) យើងខ្ញុំ សូមស្វាគម បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោរពជូនពរដល់បងប្អូន អោយជួបប្រទះតែសេចក្តី សុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ
ស្នាមញញឹមកុមារជាស្នាមញញឹមរបស់មាតាបិតានិងរបស់ថ្នាក់ដឹកនាំយើង!
រក្សាសិទ្ធិគ្រប់យ៉ាងដោយគេហទំព័រ BST "www.bst-hotnews.com" ដំណើការតាមប្រកាសលេខ ០២២ ប្រក.ម.ព ចុះថ្ងៃទី៣០ ខែវិច្ឆិកា ឆ្នាំ២០២៣មានអាសយដ្ឋានផ្ទះលេខ ១០ ផ្លូវបេតុង ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។​

ស្នាមញញឹមកុមារជាស្នាមញញឹមរបស់មាតាបិតានិងរបស់ថ្នាក់ដឹកនាំយើង!

លោកជំទាវ ទុយ សិរីរតនៈ នេត្រ ភក្ត្រា ប្រធានសមាគមនារីកម្ពុជាដើម្បីសន្តិភាពនិងអភិវឌ្ឍន៍សាខាក្រសួងព័ត៌មានបានដឹកនាំសមាជិកាសមាគមនារីចុះចែកអំណោយជាកាបូប និងសម្ភារសិក្សាជូនដល់សិស្សានុសិស្សនៃសាលាបឋមសិក្សាក្បាលជួរ និងបឋសិក្សាកាំពី ក្នុងស្រុកចិត្របុរី ខេត្តក្រចេះ សរុបជាង ៣០០ នាក់នៅព្រឹកថ្ងៃទី១៣ ខែមិថុនា ឆ្នាំ២០២៤។ 

នេះជាការបង្ហាញពីការយកចិត្តទុកដាក់និងការចែករំលែករបស់សមាគមនារីនៃក្រសួងព័ត៌មាន ថ្នាក់ដឹកនាំជាស្ត្រីចំពោះកុមារាកុមារីនៅតាមតំបន់ជនបទដើម្បីទទួលបានសម្ភារសិក្សា និងលើកទឹកចិត្តដល់ក្មួយៗសិស្សានុសិស្សខិតខំប្រឹងប្រែងសិក្សារៀនសូត្រឱ្យបានពូកែនិងក្លាយជាធនធានមនុស្សដ៏ល្អ និងជាសសរទ្រូងដ៏រឹងមាំរបស់ប្រទេសជាតិនាថ្ងៃអនាគត។ 

លោកជំទាវ ទុយ សិរីរតនៈ នេត្រ ភក្ត្រា ប្រធានសមាគមនារីនៃក្រសួងព័ត៌មានបានពាំនាំការផ្តាំផ្ញើសាកសួរសុខទុក្ខពីឯកឧត្តមរដ្ឋមន្ត្រីក្រសួងព័ត៌មាននិងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ ក៏ដូចជាថ្នាក់ដឹកនាំនៃខេត្តក្រចេះជូនចំពោះក្មួយៗសិស្សានុសិស្សនិងលើកទឹកចិត្តដល់សិស្សានុសិស្សខិតខំប្រឹងប្រែងសិក្សារៀនសូត្រក្រេបចំណេះវិជ្ជាពីលោកគ្រូអ្នកគ្រូ និងធ្វើជាកូនល្អ សិស្សល្អ និងពលរដ្ឋល្អ។ 

សមាគមនារីកម្ពុជាដើម្បីសន្តិភាពនិងអភិវឌ្ឍន៍សាខាក្រសួងព័ត៌មានបានផ្តល់ជូនសិស្សានុសិស្សចំនួន ៣០៧ នាក់ក្នុងនោះរួមមានកាបូបមួយ សម្ភារសិក្សារួមមានសៀវភៅ ប៉ិច ខ្មៅដៃ និងអាវយឺត។ សម្រាប់លោកគ្រូអ្នកគ្រូមានការផ្តល់ជូននូវអង្ករ និងគ្រឿងបរិភោគផងដែរ៕




















Previous Post Next Post