គ្រោះថ្នាក់នេះបានកើតឡើងនៅវេលាម៉ោង១១ព្រឹក ថ្ងៃទី២០ ខែសីហា ឆ្នាំ២០២៣ លេីផ្លូវជាតិលេខ០៤ គីឡូម៉ែត្រលេខ២០៨-២០៩ ស្ថិតក្នុងភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ។
បើតាមមន្ត្រីនគរបាលឲ្យដឹងថា ជនរង គ្រោះមានឈ្មោះ សេក ស្រីឡៃ ជានិស្សិតឆ្នាំទី២ នៃវិទ្យាស្ថានពហុបច្ចេសទេសមិត្តភាពកម្ពុជា ចិន ខេត្តព្រះសីហនុ។ ចំណែកអ្នកបើកបររថយន្តបង្កឈ្មោះ ទិត្យ វាសនា ។
សក្សីបានប្រាប់ប៉ូលិសថា មុនពេលកើតមានគេឃើញរថយន្តនឹងម៉ូតូ បានបើកបរក្នុងទិសដៅផ្ទុយគ្នា លុះបើកមកដល់ចំណុចកើតហេតុ រថយន្តបង្កបានបើកប្រជែកនឹងរថយន្តមួយគ្រឿងទៀត ហើយបានជ្រុលចង្កូតបណ្ដាលឱ្យបុកម៉ូតូជនរងគ្រោះចំពីមុខពេញទំហឹងតែម្តង បណ្តាលឲ្យនារីរងគ្រោះប៉ើងខ្ទាតចេញពីម៉ូតូស្លាប់បាត់បង់ជីវិតតែម្តង។
សពនារីរងគ្រោះត្រូវបានសាច់ញាតិយកទៅធ្វើបុណ្យតាមប្រពៃណី។
ចំណែកជនអ្នកបង្ករថយន្តខាងលើបាននាំខ្លួនទៅសាកសួរនៅអធិការដ្ឋាននរគបាលស្រុកព្រៃនប់ដើម្បីដោះស្រាយតាមនិតិវិធី៕






